Në kuadër të nismës “Ballkani i Hapur”, një Delegacion nga RMV sot viziton Tiranën

10:51 | 25 Korrik 2022
A. B.

Një Delegacion i Qeverisë së Maqedonisë së Veriut sot dhe nesër, në kuadër të nismës “Open Balkan” do të realizojë vizitë në Tiranë.

Sipas njoftimit të Qeverisë, tema kryesore në takimet intensive në Tiranë do të jenë thellimi i bashkëpunimit në ballafaqimin me krizën e ushqimin dhe energjinë elektrike, por edhe rreziku nga zjarret gjatë verës.

Pjesë e delegacionit është zv/kryeministri për Çështje Ekonomike, Fatmir Bytyqi, ministri i Ekonomisë Kreshnik Bekteshi, ministri i Administratës dhe Shoqërisë Informatike, Admirim Aliti, zv/ministri i Financave Filip Nikollovski, zv/ministri i Bujqësisë Abdylshyqyr Abedini, koordinatori për “Ballkanin e Hapur”, Marjan Zabërqanec si dhe Nola Ismailova.

Kujtojmë se vizita në Shqipëri u njoftua ditë më parë nga ministri i Ekonomisë, Kreshnik Bekteshi, i cili tha se çdo krizë të mundshme, vendet e nismës “Open Balkan” do ta tejkalojnë së bashku.

Shpërndaje në rrjete sociale

Lajmet më të lexuara

Të ngjashme

Foto lajm